جنوبی وزیرستان اپر میں بارودی دھماکے سے بم ڈسپوزل اسکواڈ کا اہلکار جاں بحق
تحصیل سراروغہ کے علاقے جناتہ میں پولیس کی کلیئرنس کارروائی کے دوران دھماکہ، کانسٹیبل عبدالجبار بارودی مواد ناکارہ بناتے ہوئے نشانہ بنے۔
جنوبی وزیرستان: جنوبی وزیرستان اپر کی تحصیل سراروغہ کے علاقے جناتہ میں سڑک کنارے نصب بارودی مواد کے دھماکے میں پولیس بم ڈسپوزل اسکواڈ کا ایک اہلکار جاں بحق ہو گیا۔
ذرائع کے مطابق واقعہ ہفتہ، 7 نومبر کو صبح تقریباً 9 بج کر 45 منٹ پر تھانہ سراروغہ کی حدود میں پیش آیا، جہاں پولیس کی بم ڈسپوزل ٹیم معمول کی کلیئرنس اور سرچ آپریشن میں مصروف تھی۔
ذرائع کا کہنا ہے کہ پولیس کانسٹیبل عبدالجبار سڑک کنارے نصب بارودی مواد ناکارہ بنانے کی کوشش کر رہے تھے کہ اچانک دھماکہ ہو گیا، جس کے نتیجے میں وہ شدید زخمی ہو گئے۔
زخمی اہلکار کو فوری طور پر طبی امداد کے لیے منتقل کیا جا رہا تھا، تاہم وہ زخموں کی تاب نہ لاتے ہوئے جاں بحق ہو گئے۔
واقعے کے بعد پولیس اور سیکیورٹی فورسز کی اضافی نفری نے علاقے کو گھیرے میں لے کر سرچ آپریشن شروع کر دیا۔
جنوبی وزیرستان لوئر: دژہ غوندی چوک میں نامعلوم مسلح افراد کی فائرنگ، پولیس کانسٹیبل شہید
لکی مروت: نامعلوم مسلح افراد کی فائرنگ سے پولیس کانسٹیبل شہید، جوابی کارروائی میں دو مبینہ ٹارگٹ کلرز ہلاک
جنوبی وزیرستان اپر: دو تحصیلوں میں کرفیو نافذ، کن علاقوں اور راستوں پر پابندی ہوگی؟
جنوبی وزیرستان میں مونگ پھلی کی ترسیل کے لیے کسانوں کو کن مشکلات کا سامنا ہے؟
ٹانک اور جنوبی وزیرستان کے مختلف علاقوں میں آج کرفیو نافذ، متعدد راستے اور بازار بند رہیں گے
