ٹانک: نامعلوم افراد کی فائرنگ سے محکمہ پولیس کا کلرک جاں بحق، کمسن بیٹا شدید زخمی

ٹانک کے علاقے صابر بازار میں فائرنگ کے نتیجے میں محکمہ پولیس کے کلرک سعادت تتور جاں بحق جبکہ ان کا کمسن بیٹا شدید زخمی ہوگیا۔

مقامی ذرائع کے مطابق سعادت تتور کا تعلق ٹانک سٹی کے محلہ خدریانوالہ سے تھا اور وہ پشاور میں محکمہ پولیس کے ساتھ بطور کلرک فرائض انجام دے رہے تھے۔

ذرائع کا کہنا ہے کہ سعادت تتور چھٹی پر گھر آئے ہوئے تھے کہ صابر بازار میں نامعلوم وجوہات کی بنا پر فائرنگ کا واقعہ پیش آیا، جس میں وہ جان کی بازی ہار گئے جبکہ ان کا کمسن بیٹا شدید زخمی ہوگیا۔