جنوبی وزیرستان اپر: دو تحصیلوں میں کرفیو نافذ، کن علاقوں اور راستوں پر پابندی ہوگی؟

جنوبی وزیرستان اپر کی تحصیل سرویکئی اور سراروغہ میں 29 اکتوبر کو صبح 6 بجے سے شام 7 بجے تک کرفیو نافذ رہے گا۔ اس دوران ہر قسم کی نقل و حرکت پر پابندی ہوگی جبکہ تمام بازار اور مارکیٹیں بند رہیں گی۔

 
کرفیو کے دوران سرویکئی، مولے خان سرائے، رغزئی، بروند اور سپنکئی سمیت متاثرہ علاقوں میں آمدورفت ممنوع ہوگی۔ اسی طرح چگملائی، سپلاتوئی، سپنکئی، شہور اور مولے خان سرائے سے مادیجان تک کے راستوں پر بھی داخلے کی اجازت نہیں ہوگی۔

 
ہدایات کے مطابق متاثرہ راستوں پر صرف ہنگامی صورتحال میں پولیس یا سیکیورٹی فورسز کی اجازت سے سفر کیا جا سکے گا۔ اس مقصد کے لیے شناختی کارڈ اور ضروری کاغذات جمع کروانا ہوں گے۔

 پولیو ورکرز اور پولیو ٹیموں کو اپنی شناخت ظاہر کرنے کے بعد نقل و حرکت کی اجازت ہوگی۔ شہریوں کو ہدایت کی گئی ہے کہ سیکیورٹی فورسز کو دیکھتے ہی اپنی گاڑی 50 میٹر پہلے روک دیں اور تمام افراد گاڑی سے نیچے اتر جائیں۔ ہدایات کی خلاف ورزی کی صورت میں متعلقہ فرد خود ذمہ دار ہوگا۔