ڈیرہ اسماعیل خان: روڈی خیل سے دو ٹیوب ویل آپریٹرز اغوا، بازیابی کے لیے صدرہ موڑ پر احتجاج

ڈیرہ اسماعیل خان کے علاقے روڈی خیل سے دو ٹیوب ویل آپریٹرز کو اغوا کر لیا گیا، جس کے خلاف لواحقین اور علاقہ مکینوں نے احتجاج کرتے ہوئے صدرہ موڑ کو ٹریفک کے لیے بند کر دیا۔

 مظاہرین نے مغوی بھائیوں کی فوری بازیابی اور اغوا کاروں کی گرفتاری کا مطالبہ کیا ہے۔ پولیس کے مطابق مغویوں کی شناخت عصمت اللہ اور سمیع اللہ کے نام سے ہوئی ہے، جو آپس میں بھائی ہیں اور ٹیوب ویل آپریٹرز کے طور پر کام کرتے ہیں۔ 

واقعے کی اطلاع ملنے پر مقامی پولیس موقع پر پہنچ گئی، جہاں مظاہرین اور مغویوں کے لواحقین سے مذاکرات جاری ہیں۔ پولیس کا کہنا ہے کہ مغویوں کی بازیابی اور اغوا کاروں کی گرفتاری کے لیے تفتیش کی جا رہی ہے۔

 
واضح رہے کہ آٹھ روز قبل تحصیل پروآ میں دو بسوں سے تقریباً 22 افراد کو اغوا کیا گیا تھا، جن میں مقامی شوگر ملز کے 17 ملازمین بھی شامل تھے۔ ان افراد کی تاحال بازیابی نہیں ہو سکی۔