اضافے کے بعد سونے کی قیمت میں کمی، نئی قیمت کتنی ہوگئی؟

ملک میں سونے کی قیمت میں حالیہ اضافے کے بعد ایک بار پھر کمی ریکارڈ کی گئی ہے، جس کے نتیجے میں فی تولہ سونا 3 ہزار روپے سستا ہوگیا۔
آل پاکستان جیمز اینڈ جیولرز ایسوسی ایشن کے مطابق 3 ہزار روپے کمی کے بعد فی تولہ سونے کی نئی قیمت 4 لاکھ 38 ہزار 636 روپے ہوگئی ہے۔
اسی طرح 10 گرام سونے کی قیمت میں 2 ہزار 572 روپے کمی ریکارڈ کی گئی، جس کے بعد 10 گرام سونا 3 لاکھ 76 ہزار 59 روپے کا ہوگیا۔
مقامی مارکیٹ کے ساتھ عالمی سطح پر بھی سونے کی قیمت میں کمی دیکھی گئی۔ عالمی مارکیٹ میں سونے کی فی اونس قیمت 30 ڈالر کم ہوکر 4 ہزار 161 ڈالر ہوگئی۔